Larunbat goizetan San Esteban auzoan ere geratuko da Hiribusa

Ataria 2014ko azaroaren 28a
Deskargatu Info Ahotsak :
Español English Français Català Galego

Bihartik aurrera San Esteban auzoko biribilgunean egingo du geldialdia autobusak. Merkatarien eskaera bati erantzuna eman die honela Tolosako Udalak.

Larunbat goizetan Tolosako erdigunean jende asko bildu ohi da eta horietako askok San Esteban auzoan kokatzen diren doako aparkalekuetan uzten dute autoa. Hauei bidea errazte aldera, Hiribusak orain arte eskaintzen zuen zerbitzua handitu du udalak eta aparkaleku hauen ondoan ere geldituko da autobusa larunbat honetatik aurrera, astero.

Geldialdi hau gehitu ondoren, Hiribusaren ordutegia zertxobait aldatuko da larunbatetan. Ordutegi berria jarrita dago herriko autobus geltoki guztietan. Honenbestez, larunbat goizetan autoa San Esteban auzoko aparkaleku asfaltatu berrietan utzi eta herriko erdigunera autobusez joan daiteke orain, baita alderantziz ere.

Gizartea Tolosa

Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!


EGIN ATARIKIDE!