Errape hoberenaren saria ere behi berak jaso du gaurkoan. 12 hilabetetik beherako txahaletan ere Cascanteko ganaduzalearentzat izan da saria. 12-18 hilabete arteko txahalen kasuan berriz, saria Gatikako ganadutegira joan da. 18-24 hilabete arteko bigen artean, lehen saria Igeldoko Ondazarte Gain baserriak eskuratu du.
Esnea ematen duten 36 hilabetetik beherako, 3-4 urte arteko eta 4 urtetik gorako behietan onenak ere Cascanteko ganadutegitik etorritako behiak izan dira.
Hauek izan dira parte hartu duten ganadutegiak: Igeldoko (Gipuzkoa) Ondazarte Gain, Muskizeko (Bizkaia) Miguel Gomez, Arrankudiagako (Bizkaia) Alfonso Olabarrieta, Karrantzako (Bizkaia) Jon Gutierrez, Basauriko (Bizkaia) Karmele Ibarretxe, Gatikako (Bizkaia) Miren Ardeo, Cascanteko (Nafarroa) Planillo eta Mutrikuko (Gipuzkoa) Zaldumendi.