Jai giroa irudikatuz apaindu dute kale osoa banderatxoekin Artekaleko dendariek, eta horrekin batera, norberak bere sormenetik gauzaturiko ideia burutu du. Batzuk, esaterako, lurrean garai bateko jolasak pintatu dituzte; kalean argazkiak aterako aukera ere jarri dute saltoki batean; Kale Nagusiko historian izan diren saltokiekin argazki erakusketa ere jarri dute (Garia okindegiaren kasuan); gaztetxoak marrazketan trebatzeko aukera egon da; eta musikarien egunarekin bat eginez, musikari leku berezia egin diote. Berdura plazako saltzaileek ere bat egin dute Artekaleko ekimenarekin, eta izan da barazkiak soinean jarrita girotu denik ere.
Iluntzean, kale guztian zehar zabaldu duten argi ilara piztu dute, kaleari kolore eta bizia emanez.
