Gaur hasi den Titirijai Jaialdiaren barruan larunbateroko azokak tailer berezia izan du alboan. Azokako postura gerturatu diren haurrek barazkiekin egin dituzte txotxongiloak.
Kolore gutietako barazki eta frutak izan dituzte pertsonaia ezberdinak egiteko. Tolomendi Landa Garapen elkartearen laguntzarekin antolatua izan da, eta Arrate Iturbe teknikaria "gustura" agertu da tailerrak izan duen harrerarekin. Haur askok parte hartu dute bigarren urtez antolatu den tailerrean.
Hilaren 30a bitartean, era guztietako txotxongiloez gozatzeko aukera izango da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!