Zeinu hizkuntzako zinemak hartu du Leidor

Tolosaldeko Ataria 2014ko aza. 8a, 12:20

Zeinu hizkuntzan egindako V. zinemaren nazioarteko jaialdia ari da ospatzen Tolosako Leidor aretoan. Bosgarren urtez jarraian antolatu du Gainditzen elkarteak, Tolosaldeok eta Goierriko pertsona gorren elkarteak, honako zine jaialdia. 

Astean zehar Gainditzenek hainbat ekimen aurrera eraman baditu ere, film laburren saioari gaurkoan ekin diete. Goizeko saioan Tiovivo, La pesadilla de Javier, Caracola, Tenemos un plan, Despertar, Con la noche en las manos, September 11th eta Afilamor delako pelikulak sartu dira lehian. 

Arratsaldean berriz, The kiss, Tienes un mensaje, Champion of the world, Un dia cualquiera eta Una vida sin palabras film laburren txanda izango da. 

Aurtengo jaialdiak elkartasun izaera du, Stop Sanfilippo fundazioarentzat bideratuko baitute zati bat; hau da, sarreren %25a elkarte honen alde emango dute Gainditzenekoek. 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!