Lehiaketan edonork parte hartu ahal izango du, beti ere, pertsona bakoitzak bi lan aurkeztuta. Film horietan, mendiarekin edo abenturekin zerikusia duten esperientziak kontatu beharko dira bost minutu edo gutxiagoko denboran, euskaraz edo gazteleraz. Lanak formatu digitaldean aurkeztu beharko dira, .mpg4 / .avi / edo .mov eran, H264-ko konpresioarekin. Filmak, berriz, HDn grabatu beharko dira, 1920x1080 edo 1280x720-ko tamainarekin.
Lanak aurkezteko epea zabalik da dagoneko, eta datorren urteko urtarrilaren 16an amaituko da horretarako aukera. Aurkeztu beharreko lanak originalak eta aurretik argitaratu edota saritu gabeak izan behako dira.
Sariei dagokienez, bi sari emango dira. Irabazle nagusiak 600 euro jasoko ditu; eskualdeko lanik onenak, berriz, 400 euroko ordain-saria izango du. Erabaki horien berri, urtarrilaren 30ean emango dute www.tolosa.eus helbidean. Bertan topa daiteke lehiaketa honen inguruko informazio osagarria.