Orotariko perretxikoak izan dira ikusgai, salgai eta dastagai azokan. 1,7 kiloko onddoa izan da guztietan handiena.
Jatetxe eta tabernek ere pintxo ederrak prestatu dituzte bertaratutakoen gozamenerako. Guztira 15 izan dira parte hartu dutenak: Olentzo, Astelena, Martinez, Kuko, Iriarte, Amaiur, Saikin, Asteasuarra, Botarri, Solana 4, Dolarea, Ruta 33, Leaburuko Ostatua, Casino elkartea eta Gozona. Onddo nahaskia; xixa horien brotxeta; onddo entsalada binagreta saltsarekin edota porru, ganba, onddo eta gaztaz eginiko pintxoak probatu ahal izan dira, esate baterako.
Luis Eraso artisauak ere hainbat lan egin ditu motozerrarekin, eta jende ugari bildu du bere inguruan.