Euskal Herriko Trialsin txapelketa mistoan Irene Caminosek hirugarren garaipena lortu zuen asteburuan Azkainen. Lau proba jokatu dira orain arte, eta tolosarrak parte hartu duen hiru probetan irabazi egin du: Gasteizen, Irunen eta azkena, Lapurdin. Oiartzunen jokatu zenera ez zuen joaterik izan Caminosek.
Euskal Herriko txapelketa bost probek osatzen dute, eta ondorioz, azkena besterik ez da falta. Bera, igande honetan izango da Irunen, 10:30etik aurrera.