Urriaren 17an estreinatuko dute, zine areto guztietan, Lasa eta Zabala filma. Leidor aretoan ere egun horretan eskainiko dute publiko orokorrarentzat eta, estreinaldia izaki, sarreren salmenta ere berezia izango da, aretoa betetzea aurreikusten dutelako.
Larunbatean izango da, beraz, sarrerak eskuratzeko aukera, 10:00etatik 13:00era bitarte, Leidorreko leihatilan. Saioei dagokienez, honakoak eskainiko dituzte Tolosan: hilaren 17an, 22:30ean; hilaren 18an, 19:30ean eta 22:30ean; hilaren 19an, 19:30ean eta 22:30ean eta, azkenik, hilaren 20an, 20:30ean.