Elosegi parkeko desjabetzea gauzatu ondoren, Tolosako Udalak 2014 hasieran ireki zituen Elosegi parkeko ateak, ekainera bitarte bisita gidatuak eskainiz.
Jendearen harrera ona eta itxaron zerrenda ikusita, bisita gidatuak berriro martxan jarriko ditu udala, eta urriaren 26an eta azaroaren 30ean egingo dituzte. Beotibar pilotalekutik irtengo dira, 11:30ean, eta parte hartu nahi duten herritarrek Tolosako Ingurumen Zentroko 943 65 25 44 telefonora deitu, edo tolosakoiz@tolosakoiz.net helbidera idatzi besterik ez dute egin beharko.