Tolosaldeko Irristaka taldeak erakustaldia eman zuen proba osoan zehar, baina sprint-ean ezin izan zuten garaipena lortu. Iñaki Zubillaga izan zen eskualdeko azkarrena, hirugarren postuan sailkatuz, 10 kilometroko lasterketan.
80 lagunek hartu zuten parte proban, eta hasieratik zortzik aurrea hartu zuten; Irristakako ordezkari ugari ziren bertan, eta tiratzen aritu ziren helmugara iritsi arte. Zubillaga gustura zegoen taldearen lanarekin eta lortutako emaitzarekin: «entrenatzen jarraitzeko motibazio bat gehiago da». Hurrengo proba Donostian izango du, hilaren 19an.