Euskal Herria Bilduk dokumentazio eskaria egin du Eusko Legebiltzarrean, Asuncion kliniaren inguruan: ospitaleko kudeaketaren arduradun Invizak Osasun Sailarekin duen hitzarmenaren ebaluazioa egitea da helburua.
Pasa den ekainaren 18an Eusko Legebiltzarreko Osasun eta Kontsumo batzordeak onartu egin zuen Eusko Jaurlaritzari aipaturiko ebaluazioa eskatzea, honako irizpideak kontuan hartuta: helburuen betetze maila; zerbitzuen eskaintza eta kalitate maila eta, azkenik, herritarren beharren asebetetzea.
EH Bilduko ordezkariek azaldu dutenez, momentuz 2012. urteari dagokion txostena bakarrik eskuratu dute: «Gure taldearen eskariz txostena azaltzera ere bertaratu dira, Osasun eta Kontsumo Batzordea, Osasun Saileko kideak».
Horrenbestez, Asuncion kudeatzeko Osasun Sailak Inviza enpresarekin sinatutako hitzarmenaren 2013ko ebaluazio txostena eskatu dute azken asteotan. Datorren urriaren 20a izango da, berez, dokumentazio hori guztia aurkezteko azken eguna.