Trialsineko Munduko Kopako azken proba jokatu berri da Belgikan, Antwerp hirian. UCI mailako proban izan da Irene Caminos tolosarra, eta lehen aldiz, nagusien mailan, eliteko kirolariekin lehiatu da 16 urteko gaztea. Zailtasunak zailtasun, zortzigarren amaitu du Irene Caminosek, eta «oso gustura» agertu da egindako lanarekin.
Aipatu, desagerturik dagoen Hodei Egiluz euskalduna gogoan izan duela lehiatzerako orduan Caminosek, Belgikan. Beste euskal ordezkariekin batera, tolosarrak Hodei Egiluz galdakoztarraren kamisetarekin parte hartu du Munduko Kopako azken lasterketa honetan.
