Tolosaldean Ikastn Ikaskuntzako Bitartekaritza Zerbitzuak antolatuta, Jesus Torquemadak Nazioarteko Gaurkotasuna analizatuko du seigarrenez Tolosan. Urtetik urtera parte-hartzaile kopuruz hazten doan mintegia da.
Sei saioz osatuta egongo da aurtengo egitaraua, guztiak astelehenetan, 19:00etatik 21:00etara. Izen emate epea zabalik da dagoeneko, eta urriaren 10ean amaituko da. Matrikulazioak 39 euroko kostua izango du, eta interesatuek bi bide dituzte izena emateko: batetik, ikastn@tolosaldea.com helbidera idatzi dezakete; eta bestetik, 615775678 telefonora dei dezakete. Honakoa da egitaraua:
1. saioa (Urriak 20): Eskozia
2. saioa (Urriak 27): Ukraina eta Errusia
3. saioa (Azaroak 3): Siria eta Irak
4. saioa (Azaroak 10): Israel eta Palestina
5. saioa (Azaroak 17): Europar Batasuna eta krisia
6. saioa (Abenduak 1): Uneko gaia. Azken asteetako gertakaeriak aintzat hartuta erabakiko da.
Dena den, programa honek aldaketak jasan ditzake, nazioarteko gertaera esanguratsuek horrela eskatzen badute.