Zortzi txanda egin dituzte hasieran bi elkarte buruz buru arraunean lehiatzeko. Zubi berritik hasi, zerkausiraino joan, zubi berrira bueltatu eta zerkausian amaitu dira jokatu diren txanda guztiak. Hamasei elkarteren artean denbora onena egin duten bi elkarteek berriro ere beraien artean beste txanda bat jokatzeko aukera izan dute. Txinparta eta Lizardi elkarteak izan dira bi batel azkarrenak hamasei elkarteren artean eta bi hauen arteko azken txanda Lizardikoek irabazi dute.
Kontxako txapeldun izan diren San Juan eta Urdaibai taldeen banderak jaso ditu Oier Iribarrenek eta bere familiak elkarte guztien oroigarri batekin batera. Azkenik, Oria ibaian azkarrena izan den Lizardi Elkarteak ere jaso du zegokion oroigarria. Kalejiran gerturatu dira elkarteko kide nahiz animatu diren pertsona guztiak Ferialekura bazkal orduan. Ia 700 pertsona inguru elkartu dira Stop sanfillipo fundazioaren alde egin duten bazkarian.
DENBORAK:
1. txanda:
- Txinparta 3:32:306
- San Esteban 3:34:668
2. txanda:
- Gure Txokoa 3:36:288
- Arsenal 3:52:691
3. txanda:
- Izaskun 3:45:764
- Aiz-Orratz 3:46:650
4. txanda:
- Iurre 3:44:072
- Aurrera 3:38:863
5. txanda:
- Kabi Alai 4:03:863
- Kasino 4:42:057
6. txanda:
- Lizardi 3:20:273
- Gure Kaiola 5:09:779
7. txanda:
- Ortzadar 3:58:139
- Emendek 3:45:896
8. txanda:
- Berazubi 3:41:491
- Ero-Etxe 3:47:759
Azken txanda:
- Lizardi 3:22:357
- Txinparta 3:39:600