Gor komunitatearen egunerokoa gizarteratu eta gainerako herritarrak sentsibilizatzeko astea prest dute Gainditzen elkarteko kideek. Atzo egin zuten aurkezpena eta, urteroko moduan, bertako nahiz kanpotarrak espero dituzte datorren astean.
Tolosaldeko eta Goierriko gorren Gainditzen elkarteak bi egitasmo nagusi antolatzen ditu urtero: Gorren Komunitatearen Sentsibilizazio astearekin batera, zeinu hizkuntzako zine jaialdiak ere sekulako harrera izaten du.
Horrela, duela bi urte ONCEren urrezko txintxarria saria jaso zuten eta, Julian Rodriguez elkarteko ordezkariak dioenez, aurten ere kanpoko jende asko espero dute.
Gorren nazioarteko eguna datorren irailaren 27an ospatuko dute eta, beraz, egitarauko jarduera gehien egun horretan bertan txertatu dituzte. Aurretik, ordea, aste osoan barrena, hainbat jarduera prestatu dituzte kontzientzia piztu eta beren errealitatea erakusteko.
Jarraian irakur daiteke egitaraua, osorik: 