2014. urtea hasi zenez geroztik, Tolosako Arco Iris- Ortzadar elkarteko kideak 75. urteurrena ospatzen ari dira. Inauterietan hainbat egitasmo nahiz omenaldi egin baiztuzten ere, urteko azken hiruhilekorako gorde dute kemenik, eta haur eta gaztetxoentzako eguna prestatu dute gaurko, Txiki Festarekin.
Goizean Erraldoi eta Buruhandien konpartsa kalez kale ibili da, Ortzadarren egoitzatik irtenda; ohi bezala, ehunka haur atzetik izan dituzte, gurasoz lagundurik eta, irribarre bezainbeste malko ikusi ahal izan dira.
Arratsaldean, berriz, Poxpolo eta Konpainiaren emanaldia izan da, Berdura plazan. Guraso nahiz seme-alaba, ez da tarterik geratu plazan, Poxpolo eta bere lagunen kantuak dantzatu ahal izateko.
