Norgehiagoka kaxkarra jokatu zuten Alex Noguesen jokalariek. Aurredenboraldian ohikoa denez, aldaketa eta proba ugari egin zituen entrenatzaileak, baina atzokoan ez ziren nahi bezain ongi atera.
15-16ko emaitzarekin joan ziren aldageletara atsedenaldian. "Hobetuko dugu" zioen Juan Martin Amiano presidenteak. Baina indartsu atera ziren arrasatearrak bigarren zatiaren hasieran, eta defentsa lana ona egin ostean, markagailuan bost goleko errenta izatera ere iritsi ziren. Azken minutuetan tolosarrek estutu arren, ezin izan zieten debagoiendarrei berdintzea lortu. Azkenean 24-26koarekin amaitu zen.