Lasa eta Zabala filma Donostiako Zinemaldiko Sail Ofizialean emango dute. GALek bahitu, torturatu eta hil zituen gazte tolosarren istorioa kontatzen du filmak, eta Pablo Malok zuzendu du. Besteak beste, Tolosako hilerrian izan ziren grabaketa lanak egiten.
Duela 25 urtetik ez zen euskarazko film bat sail garrantzitsuenean ematen. 1989an, Antxon Ezeizaren Ke arteko egunak filmak lehiatu zuen. Lasa eta Zabala, ordea, ez da euskarazkoa soilik, gazteleraz eta frantsesez ere egiten baitute protagonistek.
Aurtengo edizioan, dena den, Pablo Malorena ez da film euskaldun bakarra izango, izan ere, Jose Mari Goenana eta Jon Garañoren bigarren film luzea, Loreak izenekoa, Urrezko Maskorra irabazteko lehian izango da.