Gau Giro egitasmoaren barruan, duela 14 urte jaiotako Mac Jeara's Band taldeak kontzertua eskainiko du bihar, hilak 24, Larramendi auzoan. Mende hasierako New Orleanseko jazz oihartzunak ekarriko dituzte Tolosara.
2000. urtean sortu zen banda. Aro oso baten musika, Ipar Amerika eta mundu osoaren bilakaera markatu zuten urte asaldatuen soinu banda, hain zuzen. XX. mendearen heldutasunaren doinuak ditugu hauek, Chicago eta New York hirietako oihartzunak.
Manhattango antzoki handietatik hasita eta kale estu eta ilunetako azken etxezuloraino, jendearen bizitza girotu dute. Ana Urrakaren ahotsa izango da nagusi. Tronpeta, Alfonso Masach eta tronboia, Juanan Diez. Saxoan, Ibon Irijoa, klarinetean Jesus Castillejo eta pianoan, Beatriz Hurtado. Banjoan Igor Intxausti, baterian, Ixak Oiartzabal eta tuban, Eugenio Delgado izango dira. Kontzertu honez gain, hurrengo asteetan ere izango dira Gau Giroren barruko emanaldiak.
Gau Giroko Egitaraua
UZTAILAK 24, BIHAR22:30. Mac Jeara's Band taldea ariko da Larramendi auzoan.
UZTAILAK 30
22:30. David Colomo Pajarillo Zumardiaundian ariko da.
ABUZTUAK 6
20:00. Oscar Candendo Donostiako Musika Hamabostaldiaren barruan, Santa Maria elizan izango da.
ABUZTUAK 7
22:30. Zinea aire librean izango da, Amarotzen, Carmen Y Amen.
ABUZTUAK 23
20:00. Txotxongiloen Bideak-en barruan, Las Giramundo izango da, Zumardiaundian.
ABUZTUAK 30
20:30. Gu emanaldia ikusi ahalko da, Zumardiaundian.