Tolosan dira Donostia Cup jokatzera etorritako palestinarrak

Ataria 2014ko uztailaren 7a
Deskargatu Info Ahotsak :
Español English Français Català Galego

Hai Al Bustan izeneko futbol talde palestinarreko jokalari gazteak Donostia Cup jokatzera etorri dira Euskal Herrira, eta gaur goizean harrera egin die Tolosako Ibai Iriarte alkateak. Txapelketak irauten duen bitartean Zuloaga Txiki aterpetxean egongo dira.

Donosti Cup in the world programari esker etorri da Palestinako taldea txapelketan parte hartzera. Zehazki, Jerusalem ekialdetik etorri dira gazteak, Jesus Artetxe tolosarraren bitartez.
Donostia Cup-en 23. edizioa da aurtengoa, eta azken hau hainbat gauzengatik da nabarmentzekoa. Inoiz baino talde gehiagok hartuko dutelako parte, 423k zehazki, eta hauen artean 86 emakumeenak direlako, eta oso maila handikoak, gianera. Australia edo Hawaiiko parte hartzaileak ere izango dira txapelketan.

Atzo hasi zen Donosti Cup 2014 txapelketa eta hilaren 12ra arte izango luzatuko da.

kirola Tolosa

ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?


EGIN ATARIKIDE!