"Pena da tolosarrek eta saltokiek herria eta kaleak apaintzeko egiten duten ahalegin eta lana horrela zapuztea, Tolosaren irudirik atsegin eta politena islatu baino zakarkeria nagustitzen delako pankarten ondorioz", gaineratu du Peonek.
Hau dela eta, kaleak txukun mantentzeko dagoen ordenantza betearazteko eskatu dio Bilduko gobernuari; "badirudi zanbait taldek askatasun osoa dutela nonahi pankartak jartzeko eta espazio publikoei erabilera pribatua emateko". Udalari kartel eta pankartak kentzeko eta Tolosaren "irudi ona" bermatu, eta San Joan jaietan herriak islatu duen "utzikeria eta zikintasun irudia" berriz ere ez errepikatzeko eskatu du alderdi jeltzaleak.
"Kartel eta pankartak jartzeko horretara bideratutako espazioak sortzea" ere eskatu du EAJk, "egun indarrean dagoen ordenantzak jasotzen duen moduan". Halaber, herritar guztien inplikazioa ere ezinbestekoa dela azpimarratu dute, "guztion ardura baita eremu publikoa errespetatu eta zaintzea eta Tolosako kaleak garbi mantentzea, herriak txukuntasun irudia transmititu dezan".