Hasi dira Tolosako San Joan jaiak, udako solstizioari ongietorria emanez. Urteroko moduan, erraldoi eta buruhandiek girotu dute txupinazoaren aurreko unea, eta Mikel Arruabarrena futbol jokalariak piztu du festa iragarri duen suziria.
Esfortzuaren eredutzat hartu du kirolaria, Tolosako Udalak, eta datozen egunotan jaiak gozatzeko mezua zabaldu du udaletxeko balkoitik. Horrela, txaranga eta dultzaina doinuekin hasi dena iparraldeko Burrunka taldeak jarraituko du gauean. Bihar, berriz, kuadrillen egunak beteko ditu Tolosako kaleak.