Hamargarrenez blues musikak hartuko du Tolosa

Ataria 2014ko ekainaren 18a

Tolosandblues jaialdia "oihartzun handia" hartzen ari dela esan du Igor Ezenarro Festak eta Kulturako zinegotziak, eta Euskal Herriko zirkuituan sartuta dagoela nabarmendu du, Getxo eta Hondarribiarekin batera. Jaialdia antolatzen laguntzen duen Iñigo Martinek azaldu duenez, "ez genuen espero honaino iritsiko ginenik. Urtetik urtera kontsolidatu dugu proiektua, eta egitarau erabat sendoa dugu aurtengorako ere".

Hilaren 26tik 29ra bitartean izango da Tolosandblues. Euskal Herriko hiru talde izango dira, tartean Tolosako Txaston DixieBand taldea, bere lehenengo emanaldia hain justu jaialdian bertan egingo dena. Bergarako Belceblues eta Leioako Travelling Brothers izango dira beste euskal taldeak. Aurtengo kartel burua Duke Robillard izango da. Beste taldeak Chino and the Big Bet, Sweet Marta & The Blues Workers, eta David Giorcelli izango dira.

Entzun Duke Robillard-en 'Love slipped in' abestia

kultura Tolosa

ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?

EGIN ATARIKIDE!