Bedaioko VIII. Mendi Martxa eta VII. BTT Martxa ekainaren 15ean, igandean, izango dira. Irteera eta helmuga frontoian izango dira. Oinezkoak 07:30ean abiatuko dira, eta biziklitazkoak 08:00etan. Goiztiarrenek 23 kilometroko ibilbidea egin beharko dute, eta BTTkoek, 45ekoa. Hauek 1680 malda igo beharko dute bataz beste, eta ibilbideko zati batzuk oso zaila bezala daude katalogaturik.
Antolatzaileak gustura daude probaren aurreko giroarekin, eta egunean bertan, eguraldi ona egingo duela esan dute. «Inguruneaz gozatzeko aukera paregabea izango da. Altzoko harrobiaren ondotik pasako dira, adibidez. Gune hori oso jende gutxik ezagutzen du, eta harrituta geldituko dira». Proben amaieran, enpresa laguntzaileek jarritako materiala zozketatuko dute.
Izen ematea bizi-bizi dabilela esan dute Bedaioko Artubi Kultur Elkartetik. Deialdi bat ere egin dute, larunbatean amaitzen dela horretarako aukera, eta goiztiar ibiltzea eskatu dute. Inskripzioa 10 euro kostatzen dira, bai mendi martxarako eta baita BTT probarako ere. Informazio guztia, www.bedaio.com webgunean jarri dute, baita izen ematea ere.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!