Samaniego ikastetxeko Lehen Hezkuntzako 4. mailako ikasleak babarrunak ereiten Emeterio Arrese plazan. Gazteek Tolosako Babarrun Elkarteko laguntza izan dute. Lanean hasi aurretik eskolan prestatutako kanta bat ere eskaini dute: "Zer ote da horren indartsu eta kementsu egiten gaituena, zer izango izango da pentsa ezazu: Tolosako babarruna", bukatzen zen kanta.
Tolosako Babarrun Elkarteko Xabier Goikoetxea arduradunak esan duenez, asteburuan hasiko dira babarruna ereiten eta 25 tona biltzea espero dute; "ea udara nola joaten den", esan du. Tolosako Babarrun Elkartean aurten, kide egiteko gonbita luzatu zuen eta lau kide berri egin direla ere azaldu du. "Guztira 46 kide gara, eta 25 hektarea ereingo ditugu, asteburu honetan ereingo dugu gehiena", argitu du.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!