Andoni Ortuzar, EAJko lehendakaria, Tolosako egoera ekonomiko eta kulturala aztertzen ari da, "ekonomiaren suspertzea eta tolosarren ongizate eta bizi kalitatea hobetzeko ardatz dituen proiektua garatzeko". Hori dela eta, Prest ekimenaren barruan, hitzaldia eman zuen atzo Tolosako batzokian.
Egungo egoera politikoa "konplexua" dela esan zuen EBBeko buruak, "krisi ekonomikoagatik, batetik; eta krisi politikoagatik, bestetik". Krisi horren ondorioz, erakundeen ospea "gainbeheran" doala ohartarazi zuen, eta eusopako hauteskundeen emaitzak "faktore horien isla" zirela. Hauteskundeotan lortutako emaitzekin, hala ere, gustura agertu zen Ortuzar: "EAJk bere helburuak beti ditu, baina bistakoa da euskal gizarteak, oraindik, Europa urrun sentitzen duela".
Konstituzioaren erreforma, erabakitzeko eskubiea, euskal foruen gaurkotzea edota jeltzaleen Euskadi eraikitzeko eredua ere izan zituen hizpide, bertaratu zirenen galderak erantzun aurretik.