Bigarren honetan, denera 19 kartel aurkeztu zituzten, eta horietatik lauk pasa zuten epaimahaiaren galbahea.
Hilaren 12an elkartu ziren epaimahaiko kideak kultur etxean eta oinarriak nahiz zehaztutako irizpideak kontuan hartuta lau aukeratu zituzten finalerako. Aurten ere estilo eta teknika oso desberdinetako lanak aurkeztu dituzte parte-hartzaileek eta epaimahaiko kideek lanen kalitatea eta orijinaltasuna hartu zuten kontuan erabakitzeko garaian.
Ondoren, bozka emateko epea zabaldu zen eta orotara 488 lagunek eman dute botoa. Horietatik 343k internet bidez eta gainontzekoek paperean. Horrenbestez, 500 euro jasoko ditu sari gisa David Azurza Aranburuk.