Iker Dorronsoro: "Taldea okerren zegoen unean erori beharrean, aurrera joan da"

Tolosa CF-k denboraldia amaitzeko norgehiagoka bakarraren faltan bigarren postua ziurtatu du asteburuan, eta beraz, hirugarren mailara igotzeko promozioa jokatuko du beste bi talderen aurka. Taldeko entrenatzaileak urteko balantzea egin du Ataria Irratiko Eutsi Goiari saioan.

Hona hemen Dorronsorok egindako adierazpen interesgarrienak:

- "Azken partida etxean jokatuko dugu, baina play-offean pentsatzen gaude".

- "Bigarren B mailatik Laudio jaitsi da, eta bere egoera oso txarra da. Desagertuko balitz igotzeko aukera izango genuke".

- "Play-offa irabazita ez dakizu igoko zaren ala ez, beraz lehenengo helburua hiruko txapelketa hori irabaztea izango da".

- "Bizkaiko aurkariak oso fuerteak dira. Ekonomikoki ere indartsuak dira, eta zentzu horretan zaila izango da".

- "Denboraldia oso ona da. Urtzi joan zitzaigunean, batxe txiki bat izan genuen, baina taldeak behera egin beharrean, aurrera egin zuen indartsu".

- "Igoera bat eskaini nahi dio taldeak Urtziri".

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!