Orion egiten den modura, Tolosa jatetxe handia bilakatuko da asteburu horretan. Maiatzaren 30ean afariak emango dira; eta maiatzaren 31n, larunbatean, bazkariak eta afariak. Menu bakoitzaren prezioa 45 eurokoa izango da.
Larunbat eguerdian menu bera dastatu ahal izango da Tolosako hiru elkarte gastronomikotan: Gure Txokoa, Casino eta Txinparta elkarteetan, hain zuzen.
Bazkari eta afari erreserbak, maiatzaren 13tik aurrera egin daitezke Tolosaldea Tourren, bai telefonoz (943 697 413), baita emailez (tour@tolosaldea.net) ere.
Txinpartak antolatu du festa, Gure Txokoa eta Casino elkarteekin nahiz Tolosako Udalarekin elkarlanean.