Hemen dituzue Alegiako eskolako Lehen Hezkuntzako gazteek prestatu dituzten bertsoak.
ENERGIA JASANGARRIA
(Bertsoen doinua: Maisu Ruanda da, Batetikan korrozka, Agur sagar beltzaran, Espainian behera, Esnesaltzailearena -Andres Mitxelena-, Sagutxo batzuekin...)
Gaua heltzen denean
herriko zerura
Gabonetako pinu
horien modura
herriak hartu ohi du
distira itxura
horrek sortu behar du
guztion ardura
energia aurrezteko
garaia heldu da
Energia neurrian
behar erabili
baliabide denak
zertarako kixkali
ohitura txar guztiak
albora bidali
argi energiarekin
argi-argi ibili
behar ez dugunean
argiak itzali
Argiak goiz piztu ta
itzali berandu
hemen jendeak lehen
hori egin izan du
herria argitzeko
ez herria saldu
munduak urte asko
iraun behar badu
energia aurreztu
beharra daukagu
Guk egunero behar
dugu energia
asko ibiliz gero
daukau komeria
ibili beharko genun
energia erdia
egunero itzali
behar deu argia
bestela itzaliko da
gure mundu handia