Inaki Irazabalbeitiak eta Mario Zubiagak behatzaile lanak egingo dituzte Etxarri Aranazko galdeketan

Tolosaldeko Ataria 2014ko api. 9a, 16:20
Iñaki Irazabalbeitia Aralarko eurodiputatu eta Tolosako zinegotziak, eta Mario Zubiaga tolosarrak Etxarri Aranatzen datorren igandean, 'Nahi duzu Euskal Herri independente bateko herritarra izan?' galderari erantzuteko egingo duten kontsultan behatzaile lanak egingo dituzte beste sei lagunekin batera.

Duela aste batzuk, galdeketaren antolatzaile taldeak sei behatzaileren izenak eman zituen: tartean zen Mario Zubiaga tolosarra, EHUko Zientzia Politikoetako doktorea. Orain jakinarazi dute Inaki Irazabalbeitia Aralarko kidea eta Tolosako zinegotzia dena eta Belgikako Parlamentu Federaleko diputatu bat ere ariko direla lan horietan.

Antolatzaileen arabera, botoa aurretik emateko prozesua "erritmo onean" doa. Iganderako egitarau zabala prestatua dute, gainera. Herri kirol saio bereziak izango dira plazan, eguerdian eta herri bazkaria egingo dute Julio Soto eta Arkaitz Estiballes bertsolaiekin. Arratsaldez, Porrotx pailazoarekin kalejira eta Gozategi taldearekin erromeria izango da.

Independentistak sareak, adibidez, Bai bozkatzera animatu ditu Etxarri Aranazko herritarrak.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!