Tolosa & Co merkatari elkarteak Braderie eguna antolatu du, aurten, bosgarrenez. Denboraldian saldu ez dituzten arropa, zapata, objektu eta produktuak kalera atera dituzte merkatariek, eta herritarrek mauka ederrez gozatzeko aukera dute egun osoan.
Guztira merkatari elkarteko 75 komertziok parte hartu dute aurtengo Braderiean, eta eguraldia kaskarra izanagatik ere, poltsikoa epelxeago mantentzeko erosketak egitera irten da jendea. 20:00ak arte egon da zabalik kaleko azoka erraldoia, eta Zerkausian ludoteka ere antolatu dute haur eta gaztetxoentzat. Arratsaldean kaleak girotzeko aurreikusita zegoen Elektropatxarangaren emanaldia, ordea, bertan behera geratu da eguraldia dela eta.