Tolosako Garbiñe Biurrun epaileak EAEko Auzitegi Nagusiko Gizarte Arloko lehendakari lanarekin jarraitzea erabaki du. Botere Judizialeko Kontseilu Nagusiaren ustez lan hori eta Euskal Herriko bakegintza prozesua bultzatzeko foroan aritzea bateraezinak dira, eta bietan bat aukeratzeko eskatu zion.
Biurrunek Atariari argitu dionez, "erraza" da erabakia ulertzea: "Nahiko erraza da ulertzeko, erabaki behar nuen bake prozesua sustatzeko batzorde horretan jarraitzen nuen edo nire lanbideari heltzen nion, eta ez daukat zalantzarik, beste irtenbiderik ez daukatelako noski, nire lanbidea lanbidea da, hortik bizi naiz, eta ezin nion horri uko egin".
Epaileak ez zuen espero Botere Judizialeko Kontseilu Nagusiak Foro Sozialean aritzeko trabak jartzea: "Ez nuen espero, alde batetik, ez dudalako uste bi jaduerak bateraezinak direnik, baino giroa dagoen bezala egonda, nolabait, uler daiteke, giro politikoarengatik izan da, nire ustez. Baina argi dago, Botere Judizialaren Kontseilu Nagusiak hartutako erabakia juridikoki oinarria duela, nahiz eta ni ez natorren bat".
Botere Judizialeko Kontseilu Nagusiaren ustez Foro Sozialeko lana eta EAEko Auzitegi Nagusiko Gizarte Arloko lehendakari lanak ez dira bateragarriak, eta espailearen independentzia kolokan egongo litzateke, gainera. Horregatik ukatu zion baimena.
Epaileak Espainiako Botore Judizialeko Kontseilu Nagusiari eskatu zion Euskal Herriko bakegintza bultzatzeko foroan aritzeko baimena, eta Batzorde Iraunkorrak esan zuen ezetz; aldeko bost boto izan zituen eta beste bat zuri.