Topic, Tolosako Nazioarteko Txotxongiloen Zentroak guneari buruzko erakusketa berezi bat jarriko du Europako Parlamentuan, Bruselan (Belgika). Martxoaren 24tik 27ra egongo da ikusgai erakusketa. Iñaki Irazabalbeitia europarlamentariak sustatutako ekimena da, Etxepare Euskal Institutuaren, INAEMen, Gipuzkoako Foru Aldundiaren eta Tolosako Udalaren babesarekin.
Topic zentroko arduradunak, bestalde, Indiatik etorri berriak dira. Ishara International Puppet Festival jaialdiak gonbidatuta bidaiatu dute txotxongilo tailerrak eskaintzera.