Arlo askotako 25 herritarrek bat egin dute giza eskubideen defentsan

Tolosaldeko Ataria 2014ko mar. 17a, 09:08
Alderdi, erakunde, ideologia eta arlo askotako gizabanako talde batek adierazpen kaleratu du euskal preso eta iheslarien giza eskubideak errespetatzeko eskatzeko eta tartean dira Pepi Gorostidi eta Angeles Iztueta tolosarrak, eta Zizurkilgo Aitziber Ibarbia. Bakea erabat gauzatzeko bidean aurrera egin nahi bada siglak atzean utzi behar direla esan dute.

KonpONbidea izenpean adostu beharreko "gutxienekoak" zehaztu dituzte sinatzaileek.

 

"Gutxienekoak"

Presoen eskubideak. «Presoak preso dira epaituak izan direlako, epaitu gabe espetxean daudelako edo zigor bat betetzen ari direlako. Askatasuna ukatu zaielako ez zaie beste eskubiderik ukatu behar».

Egungo legedia. «Presoek onartu dute egungo legediak ematen dituen aukerak modu pertsonalean erabiltzea».

Eskubideak errespetatzea. «Presoen eskubideak errespetatu egin behar dira. Beraien ingurune sozial afektibotik gertuen dagoen espetxean zigorra betez, gaixotasun larriak dituzten presoak kaleratuz eta bizi osorako zigorra ahalbidetzen duten neurriak indargabetuz».

Iheslarien etxeratzea. «Iheslariak eta deportatuak herriratzeko bideak bilatu behar dira».

Legeen aldaketa. «Giza eskubide horiek urratzen dituzten legeak aldatu behar dira».

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!