Orreaga taldearen ustez akats estrategikoa egin dugu euskaldunok behin eta berriro. Geure autogobernuari uko egin izan diogu eta konfidantza agertu dugu Estatuko beste indarretan. 1962an Munichen egin zen itunean Estatu mailako demokrazia lehenetsi zen, pentsatuz hortik eratorriko zirela eskubide nazionalak. Naroa Anabitarteren ustez, "ikusi da hori ez dela horrela gertatu".
"Munich 1962: isildu egia" izeneko dokumentala prestatu du Orreaga taldeak eta gaur Tolosan eskainiko du. Udaletxeko batzar aretoan 19:00etan eskainiko dute eta behin dokumentala ikusita solasaldia izango da. Naroa Anabitarte tolosarrak hartuko du parte bertan.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!