Inauterien aje eta begizuloak oraindik gainditzeko izango dituzte askok, baina Tolosa bueltatu da errealitatera eta, horrekin batera, inauterietako ideia onenei eman diete merezitako saria: 2014ko karroza eta konpartsen lehiaketako bost txapeldunek atzo iluntzean jaso zuten irabazleen garaikurra Igor Ezenarro eta Lore Agirre zinegotzien eskutik.
Aretoa bete-bete eginda zegoe 18:55erako eta udal ordezkariek kategoriaz kategoria banatu dituzten sariak. Gazteagoak, helduxeagoak eta adineko jendeak jantzi zuen inauterietako txapela; Tolosako irudimenak adinik ez duenaren seinale. Txapela nork jantziko erabaki zutenak, berriz, Igor Ezenarro kultura eta festa zinegotzia, Jokin Monfort festa teknikaria eta 2013ko lehiaketako irabazleak izan ziren.
Behin 2014ko errekonozimendua jasota, ziur, asko hasiak direla 2015eko festetarako zerbait pentsatzen.
Irabazleak:
KONPARTSA D TALDEA (6 kide baino gutxiago): EGANen berbena haiek!
KONPARTSA C TALDEA (6 eta 12 kide artean): Troyako zaldie
KONPARTSA B TALDEA (13 eta 25 kide artean): Eskaldrola
KONPARTSA A TALDEA (25 kide baino gehiago): Colegio hermanas animadoras
KARROZA: Ixabel II eta bere zaindariak