Botere Judizialak dio Tolosako epaileak ezin duela Foro Sozialean aritu EAEko Auzitegi Nagusian duen zereginarekin bateragarria ez delako. Biurrunek prentsa ohar baten bidez izan du albistearen berri. Zortzi eguneko epea du Biurrunek bi zereginen artean bat hautatzeko.
Espainiako Botere Judizialak Foro Sozialean aritzeko baimena ukatu dio Tolosako Garbiñe Biurrun epaileari. Botere Judizialeko Kontseilu Nagusiaren ustez Foro Sozialeko lana eta EAEko Auzitegi Nagusiko Gizarte Arloko lehendakari lanak ez dira bateragarriak, eta espailearen independentzia kolokan egongo litzateke, gainera.
Epaileak Espainiako Botore Judizialeko Kontseilu Nagusiari eskatu zion Euskal Herriko bakegintza bultzatzeko foroan aritzeko baimena, eta Batzorde Iraunkorrak ezetz esan du; aldeko bost boto izan dira eta beste bat zurian.
Orain zortzi eguneko epea eman diote tolosarrari bi zereginen artean bat hautatzeko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
