Eguraldiak ez du gehiegi lagundu inauterien azkeneko egunean. Horrek mozorroa erabakitzerako orduan eragina izan du. Besteak beste, eskimalez jantzita gerturatu zaizkigu gazte hauek. Atzo aisialdi taldearekin eta gaur berriz lagun taldearekin atera dira kalera.
Irudimena ez da falta izan inauterien azkeneko egunetan. Gazte koadrila bat gerturatu zaigu Tolosaldeko Atariaren postura. Boxeolariz mozorrotuta eguna umorez pasatzeko asmotan direla esan digute.
Tolosarrentzako Asteartita egun berezia izaten da. Hala ere, eguraldiari aurre eginez badira Donostiatik etorri direnak inauterien azkeneko egunaz gozatzera. Familia honekin egin dugu topo gaur goizean Triangulon.
Erietxetik ihes egin duen amona batekin ere topo egin dugu Asteartita egunez. Inauterizalea izanik ezin izan du ospitalean geratu. Ligatzeko intentzioz gerturatu da Tolosara.