Hain ezagunak izan ziren marrazki bizidunak gogoan hartuta, Oliver eta Benjiz mozorrotuta agertu dira hainbat gazte gaur Triangulora. Baloia hartuta jendea dantzan jarri dute.
"Far West"eko mozorroak ere ikusi ahal izan dira gaur Tolosako Triangulon. Gizonezkoak emakumez jantzita eta emakumezkoak bakeroz. Koadrila hau urtero ateratzen da inauterietan. Lehiaketan parte hartu eta sariren bat ere irabazi izan du.
Berazubi auzoko konpartsak aurten protesta egin du. Urtero darabilten karroza desagertu egin omen da eta diotenez Tenerifeko inauteritan agertu omen da. Pankarta eta guzti azaldu dira Triangulora.
Zaldunitako konpartsa honek, Espainiako Gerra Zibilera salto egin du. CNTko brigadetako kide bezala mozorrotu dira. Patxi Amianok kontatu digu, milizianoz mozorrotuta.