Tolosako Trianguloa Plaza zuhaitz eta landareen kolorez estalita egon da gaur goizean zehar. Zuhaitz azokaren barruan 18 zuhaitz ekoizle elkartu dira gaurkoan. Landare eta zuhaitz desberdinak ikusi eta erosteko aukeraz gain, guztiei buruzko zehaztasunen inguruan galdetzeko parada egon da. Eta azokaren aitzakian, V. Esperientzia Tailerra ere izan da adin guztietako herritarrentzat. Zerkausian hazi bonben inguruko informazioa banatu dutelarik. Tailerrean lurrezko, buztinezko eta haziz beteriko bolak prestatu dituzte eta horrela, lurrak leheneratzeko, basoak sortzeko eta giroak hobetzeko hainbat lekutan botako dira.
Tolosan Zuhaitz Azoka izan da gaurkoan; eguraldia lagun jende asko hurbildu da udaberri usainean landare eta zuhaitzak ikusi eta erostera.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!