Jesus Muñecas Aguilar Frankismoan torturak egitea leporatuta eskatu zuen estradizioa Argentinako Maria Servini epaileak, eta hori dela eta Pablo Ruz epaileak Espainiatik ateratzeko debekua ezarri zien. Orain debeku hori berretsi du Auzitegi Nazionalak, eta asteko epaitegira joan beharko du.
Horiek horrela, epaitegiak ez du onartu Muñecasek aurkeztutako gora jotzeko errekurtsoa. Guardia zibil ohiak deliturik ez duela egin eta 1977ko amnistia legeak babesten duela argudiatu zuen helegitea aurkezteko eta estradizioa ekiditeko.
Argentinako epaileak pasa den irailren 28an egin zuen estradizio eskaera torturak eta legez kanpoko beste hainbat jarduera egitea leporatuta. Muñecas guardia zibileko kapitain ohiak 77 urte ditu. Zarauzko (Gipuzkoa) kuartelean Andoni Arrizabalaga torturatu izana leporatzen diote, Anparo Arangoa eta beste hainbat euskal herritarrekin batera. 1981ko otsailaren 23ko estatu kolpean parte hartzeagatik Guardia Zibiletik kanporatu zuten.