Imanol Rojo eskiatzaile tolosarrak 50. postuan amaitu du, Sotxin (Errusia) jokatzen ari diren Neguko Joko Olinpikoetako estilo klasikoko 15 kilometroko proba.
Dario Cologna suitzarra izan da azkarrena, ibilbidea 38:29.7ko denboran egin ostean. Pasa den igandean skiatlon modalitateko garaile izan zen suitzarra. Duela hamar urte Vancouverren jokatutako Joko Olinpikoetan urrezko domina lortu zuen. Rojok, harengandik 4:15.7ra amaitu du.
Zilarrezko eta brontzezko dominak, Johan Olsson (+28.5) eta Daniel Richardsson (+38.8) suediarrek irabazi dituzte, hurrenez hurren.