Imanol Rojok ezin izan du iraupen eskiko esprinteko sailkapena gainditu, eta lehiatik kanpo geratu da. 60. postuan sailkatu da eskiatzaile tolosarra, Ola Vigen Hattestad lehen sailkatuarengandik hogei segundo pasatxora.
Lehen 30 sailkatuak final-laurdenetarako sailkatzen ziren, eta langatik hamar segundo pasatxora geratu da Rojo. Tolosarrak beste bi probatan parte hartuko du oraindik Sotxiko Neguko Olinpiar Jokoetan: ostiralean, hamabost kilometrokoan, eta hilaren 23an, 50 kilometrokoan. Aurretik eskiatloian lehiatu zen, eta 50. postuan sailkatu zen.