San Blas eguneko hitzorduak jendetza erakarri du Tolosako San Blas auzoko baselizara; elikagaiak bedeinkatu zituzten hainbat lagunek, eztarriko minaren aurka.
Asteburuan hasitako San Blas jaiak gaur amaituko dira, San Blas egunean. Urteroko hitzorduan, herritarrek ez dute hutsik egin, eta hainbat lagun inguratu dira meza nagusira, eztarriko minaren aurka elikagaiak bedeinkatzera.
Bide beretik, San Blas opilen postuan ere lanpetuta ibili dira Emendek elkarteko antolatzaileak. Arratsaldean toka txapelketak eta trikitilarien saioak biribilduko du urteroko hitzordua.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!