EKA Euskal Herriko Kontsumitzaileen Antolaketak informazio bilera egingo du astelehenean, hilak 3, 19:00etan Donostiako Koldo Mitxelenan, eta Tolosaldeko Kontsumitzaileen Informaziorako Bulegoak bertara joateko deia egin die kaltetuei. Izan ere, milaka dira Fagorren menpeko finantza ekarpenak erosi zituztenak, eta EKAk finantza produktu konplexu honen inguruko azalpenak eman nahi ditu bileran. "Erosle gehienek ez zuten produktuak eskatzen zuen inbertitzaile profila eta ez zuten ekarpenen benetako ezaugarri eta arriskuei buruz behar bezalako informaziorik jaso", esan du.