Pablo Malo segituan hasiko da 'Lasa eta Zabala' filmaren grabaketa zuzentzen eta irudietako batzuk Tolosako kanposantuan grabatuko dituzte. Hain justu, Lasa eta Zabalaren gorpuzkiak Tolosara iritsi zirenekoa grabatu nahi dute eta horretarako 16 urtetik gorako 150 lagun behar dituzte. Grabaketa otsaila hasieran izango da.
Binahi enpresak tolosarrei egin die dei grabaketan parte hartzeko eta izena emateko 943 32 32 60 telefono zenbakira deitu behar da, edo binahi.agenciacasting@gmail.com helbidera idatzi.