Azken urteetan baino parte hartzaile kopuru txikiagoa izan da aurten txapelketan, baina maila nahiko ona izan dela azaldu dute antolakuntzatik. Parte hartzaileen adina ere anitza izan dela nabarmendu dute. Xake txapelketa azkarra izanik, jokalari bakoitzak bost minutuko tartea zuen partida bakoitzean, ikusleentzako bizia izaten da, eta asko animatu ziren igandean jokatutako txapelketa ikustea.
Gipuzkoako Liga hasi da
Gipuzkoako Xake Txapelketari hasiera eman diote asteburu honetan. Preferente mailan, Billabona A taldeak Easo B taldearen aurka 2-2 egin du. Bigarren mailan, Billabona C eta Billabona B taldeen arteko partida izan da lehen jardunaldian, eta Billabona B-k irabazi du 1-3. Hirugarren mailan, Tolosa-Ibarrak etxean 2-2 egin du Arrasate-Arluntz taldearen aurka. Danel Intxaurrondo, Mikel Aretxaga, Oier Otxoa eta Iker Artola izan dira Tolosa-Ibarrako xakelariak.