Gizonezko bat atxilotu dute Tolosan bikotekidea kolpatzeagatik

Asteburuan izan da gertaera. Emakume batek 112 SOS DEIAKera deitu zuen laguntza eskatuz, bere bikotekidea aizto batekin mehatxu egiten ari zitzaiolako

Ertzaintzak jakinarazi duenez, larunbat goizean gizonezko bat atxilotu zuten Tolosan bere bikotekidea kolpatu eta aizto batekin mehatxu egiteagatik.

Emakumeak 112 SOS DEIAKera deitu eta Ertzaintza bere etxera joan zen. Atea gizonezkoak ireki zuen eta emakumea urduri eta negarrez aurkitu zuten. Antza gizonezkoak emakumea kolpatu zuen aurpegian eta sukaldeko aizto batekin egin zion mehatxu. Kolpatu eta gero etxean giltzatu zuen.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!